அறிமுக இயக்குநர் தென்பதியன் இயக்கத்தில், அறிமுக நடிகர் கே.ஜே. ராஜேஷ் நடிப்பில் உருவாகி இன்று வெளியாகியுள்ள திரைப்படம் அங்கீகாரம். கே.ஜே. ராஜேஷை இதற்கு முன் தயாரிப்பாளராக நாம் பார்த்திருக்கிறோம். ஆனால், முதல் முறையாக ஹீரோவாக களமிறங்கியுள்ளார். வாங்க படம் எப்படி இருக்கிறது என்று விமர்சனத்தில் பார்க்கலாம்.
தடகள வீரரான ஆதிரன் பானுமதி (கே.ஜே. ராஜேஷ்) சர்வதேச அளவில் நடைபெறும் காமன்வெல்த் விளையாட்டு போட்டியில் கலந்துகொண்டு வெல்வதை தனது லட்சியமாக கொண்டுள்ளார். அதற்காக மிகவும் போராடி பயற்சி எடுத்து வருகிறார்.
மறுபக்கம் இவருடைய குடும்பம் மிகவும் வறுமையில் உள்ளது. ஆதிரனின் தாய் தூய்மை பணியாளராக பணியாற்றி வருகிறார். தங்கை கல்லூரியில் படிக்கிறாள். இதனால் காமன்வெல்த் விளையாட்டில் பங்குபெற்ற வெற்றிபெற்றால் மட்டுமே தன்னுடைய குடும்பத்தின் நிலை மாறும் என கடுமையாக பயிர்ச்சியை மேற்கொள்கிறார்.
விளையாட்டில் வெற்றி பெறுவதான முயற்சியும், போராட்டமும் ஒரு பக்கம் என்றால், அதனை சுற்றி நடக்கும் அரசியலையும் எதிர்கொள்ளும் சூழலுக்கு ஆளாக்கப்படுகிறார் ஆதிரன். தேசிய அளவில் நடைபெற்ற 200 மீட்டர் ஓட்டப்பந்தயத்தில் சாதனை படைக்கிறார். ஆனால், அந்த போட்டியில் இவருக்கு தசைப்பிடிப்பு ஏற்பட்டுவிடுகிறது.
என்னதான் சாதனை செய்திருந்தாலும், ஆதிரன் அதிலிருந்து மீண்டு வந்து கம்பேக் கொடுக்கிறார். ஆனால், ஆதிரனை எப்படியாவது நிராகரிக்க வேண்டும் என்பதற்காக தசைப்பிடிப்பை காரணமாக கொண்டு ஆதிரனை காமென் வெல்த் போட்டிக்கு தேர்வு செய்ய மறுக்கிறார்கள்.
பல மாதங்கள் போராடியும் ஆதிரனுக்கு வாய்ப்பு கிடைக்கவில்லை. இதனால் நீதிமன்றத்தை நாடுகிறார் ஆதிரன். ஆனால், அங்கும் அவர் எதிர்பார்த்த நீதி கிடைக்காமல் போய்விடுமோ என ஒரு கட்டத்தில் அவநம்பிக்கை ஏற்பட, இந்தியாவில் நடக்கவிருக்கும் காமன்வெல்த் போட்டிக்கு தடை விதிக்க வேண்டும் என நீதிமன்றத்தில் வழக்கு தொடுகிறார் ஆதிரன்.
வழக்கு தொடுத்த ஆதிரன் எப்படி தனக்கான நீதியை பெற்றார்? இதனால் அவர் என்னென்ன பிரச்சனைகளை எல்லாம் எதிர்கொண்டார்? அவருடைய குடும்பத்தின் நிலை மாறியதா? என்பதே படத்தின் மீதி கதை.
பிளஸ்
கே.ஜே. ராஜேஷின் நடிப்பு
நடிகை ரமா மற்றும் அனைத்து நடிகர்கள், நடிகைகளின் பங்களிப்பு
இரண்டாம் பாதி
எமோஷனல் காட்சிகள்
நீதிமன்ற காட்சிகள்
வசனம்
மைனஸ்
முதல் பாதியில் ஏற்பட்ட தொய்வு
மொத்தத்தில் விளையாட்டு வீரர்களின் வாழ்க்கையை பிரதிபலித்த இந்த ‘அங்கீகாரம்’ திரைப்படத்திற்கு அங்கீகாரம் கிடைத்துவிட்டது. கண்டிப்பாக பார்க்கலாம்.
RATINGS : 3/5
PRO : YUVARAJ
