காத்து வாக்குல ஒரு காதல் – வன்முறையும் பரபரப்பும் நிறைந்த ஒரு காதல் கதை!
மாஸ் ரவி மற்றும் லட்சுமி பிரியா ஆகியோர் காதலாக இணைந்து, உயிரை உயிராக நேசிக்கின்றனர். ஆனால் இக்காதல் கதை வடசென்னையின் சிக்கலான ரவுடி உலகத்தில் நடக்கிறது. தொடக்கத்தில் காதல் வண்ணங்களுடன் பயணித்த கதை, பின்னர் வன்முறை கலந்த திருப்பங்களுடன் பரபரப்பாக மாறுகிறது.
வடசென்னையின் பல ரவுடிகள் தொடர்ச்சியாக அறிமுகமாக, கொலைகள், மோதல்கள் நடைபெற, மாஸ் ரவியின் மாறுபட்ட முகம் வெளிக்கொண்டு வருகிறான். அவருடைய காதலி லட்சுமி பிரியா – காதலனை இழந்த வலியில், இடம்பிடியாய் தேடி அலைக்கிறார். அவரது கண்களில் காணப்படும் காதலும் வேதனையும் கதையின் உணர்வுகளை அழுத்தமாக தெரிவிக்கின்றன.
ஒரு கட்டத்தில் ரவுடி போல் வேறொரு லுக்கில் தோன்றும் மாஸ் ரவியை பார்த்ததும் அதிர்ச்சியடைகிறார் லட்சுமி பிரியா. அவரது மென்மையான காதலன் எப்படி இவ்வாறு வன்முறையின் பாதையைத் தேர்ந்தார் என்பதற்கான விடைகள், கதையின் இரண்டாம் பாதியில் தயாராக இருக்கின்றன.
மாஸ் ரவி இயக்குநராகவும், கதாநாயகனாகவும் இரட்டை பாணியில் கலக்கி இருக்கிறார். சில இடங்களில் ஓவர் ஆக்டிங் இருந்தாலும், பல இடங்களில் உணர்ச்சியை மிக அர்ப்பணிப்புடன் வெளியிடுகிறார். குறிப்பாக, தனது தோழர்களை வழி நடத்தும் உரைகளும், கடைசி காட்சிகளில் காட்டும் உணர்வும் பாராட்டத்தக்கது.
லட்சுமி பிரியா தனது அழகான சிரிப்பும், உணர்வுபூர்வமான நடிப்பாலும் மனதை கொள்ளை அடிக்கிறார். கிளைமாக்ஸில் அவர் காட்டும் அழுத்தமான நடிப்பு பார்வையாளரை உருக்கும் வகையில் உள்ளது.
இருப்பினும், இயக்குநர் கதையை பல இடங்களில் சிதறவிட்டுள்ளார். தேவையற்ற ரவுடிகளும், முடிவில் வரும் டர்னிங் பாயின்ட்களும் கதையின் ஓட்டத்தை தடுக்கின்றன.
ஆதித்யா கதிர், தங்கதுரை ஆகியோரின் காமெடி சில இடங்களில் சிரிப்பை கொடுக்கிறது. சாய் தீனா வில்லனாக பிரவேசித்து பின்னர் காதல் கலந்த புதிய பாணியைத் தேர்ந்தெடுத்தாலும், அது அவருக்கு சரியாக அமையவில்லை.
மொத்தத்தில், காதலைக் காட்ட முயல்கின்ற இந்த படம் வன்முறையின் பின்னணியில், சற்று அதிகமாக கோரமாகி விட்டதாகத் தோன்றுகிறது. ஆனால், கிளைமாக்ஸ் மற்றும் முக்கியமான கதாபாத்திரங்களின் நடிப்பு பாராட்டதக்கது.
நடிகர்கள்: மாஸ் ரவி ,லட்சுமி பிரியா என்கிற மேகா,மஞ்சு என்கிற பல்லவி,சூப்பர் சுப்பராயன், சாய் தீனா, கல்லூரி வினோத், ஆதித்யா கதிர், பாஸ்கர், தங்கதுரை, பவர் ஸ்டார், மேனாக்ஸா, மிப்பு, மொசக்குட்டி மற்றும் பலர்.
RATINGS : 2/5
